alea.eus

Kantari ikuskizunean parte hartzeko zozketa egingo da datorren astean

Erredakzioa 2018-10-10 12:56   Kultura  Araba

400 haurrek baino gehiagok eman dute izena karaoke ikuskizunerako.

Kantari ikuskizunean parte hartzeko zozketa egingo da datorren astean
Euskal kantuak dantzatzen eta abesten dituzte Kantari ikuskizunean. / Alea | Ikusi handiago | Argazki originala

Aurreikuspenak gaindituta, 400 haurrek baino gehiagok eman dute izena Kantari karaoke ikuskizunean. Hori dela eta, zozketa bidez erabakiko da datorren astean zeintzuk parte hartuko duten aurtengo jaialdian; astelehenean egingo da zozketa, eta parte-hartzaileen behin betiko zerrenda jakinaraziko da.

Gasteizko 7 eta 11 urte bitarteko gaztetxoek daukate aukera Kantarin parte hartzeko eta horretarako, 4 eta 5 lagun bitarteko taldeak osatu dituzte. Parte hartuko duten taldeei, zein saiotan abestu behar duten, zein abesti egokitu zaien, abestia prestatzeko materialak, eta bestelako argibideak jakinaraziko zaizkio hurrengo egunetan.

 

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Izan zaitez ALEAkide.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa