Principal Antzokian eman zioten San Prudentzio eta Estibalizko ospakizunen atzerako kontaketari hasiera Joselu Anaiak talde ezaguneko kideek. Beraiekin batera egon ziren oholtza gainean Algara Dantza Taldea eta Okerrak Kuadrillakoak.
40 urtez, Euskal Herriko errepideak urratu dituzte arabarrek. 1978an eratu zuten taldea, Asparrenean, baina hamarkada bat eman zuten haien lehenengo diskoa grabatu arte, De Alava a Jalisco izenburupean. Ordudanik, bide oparoa izan dute. Iaz bueltatu ziren estudiora, Beti eta betiko izeneko diskoa grabatzeko.
Joselu Ruiz de Gordoa taldeko kideak 2015ean eman zion ALEAri beraien ibilbidearen berri elkarrizketa honetan.
