20.000 lagun baino gehiago atera dira kalera, pentsio publiko "duinak" eskatzeko

20.000 lagun baino gehiago atera dira kalera, pentsio publiko "duinak" eskatzeko

Eguerdian abiatu da manifestazioa Artium museotik, Andre Maria Zuriaren plazaraino.

Arabako pentsionistak berriro irten dira kalera, eta ez dira bakarrik egon; gazteak, langileak... batu dira manifestaziora. Otsailaren 22ko manifestazio jendetsuan bezala,  oraingo honetan ere, pentsio publiko "duinak" eskatuko dituzte, eta %0'25eko igoera "iraingarria" salatu dute. 

Manifestazioa jendetsua izan da; 20.000 lagun inguru elkartu dira. Arabako pentsionistak Gasteizera etortzeko deia egin diete, ez bakarrik Arabako pentsiodun guztiei, baita langile eta gazteei ere, "arazoa pentsiodunen interesekoa bakarrik ez delako".

Mobilizaziorako deialdia Arabako Pentsionistak Lanean eta Bizitza duinaren alde elkarteek egin dute. Pentsio publikoen sistema defendatzea "hil ala bizikoa" dela ohartarazi dute bi elkarteek, baina ez bakarrik "zaharrontzat, gazteontzat ere".

 

Erlazionatuak

"Pentsio duinen" aldeko mobilizazio zabala izan da Gasteizko kaleetan

Araba

Pentsioen igoera KPI kontsumo-prezioen indizeari egokitzeko eskatu dute ehunka lagunek.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?

Izan zaitez ALEAkide