Asteazken eta ostegunean (hilaren 14an eta 15ean) protesta egunak izango diraa unibertsitatez kanpoko hezkuntza publikoan. Gehiengo sindikalak (ELA, LAB eta Steilas) deitu du greba, baina oraingo honetan, ez da batasunik egon hiru sindikatuen artean. Aurreko astean, LABek Heziketa Berezian, Sukalde eta Garbiketa eta Haurreskolen Partzuergoan deitutako grebak bertan behera utzi zituen. Izan ere, hiru arlo hauetan langileen baldintzak hobetzeko akordioak lortu ditu sindikatuak; Sukalde eta Garbiketa eta Haurreskolen Patzuergoan hitzarmenak sinatu ditu Eusko Jaurlaritzarekin.
Hala, ELAk eta STEILASek hiru arloetako langileak deitu dituzte asteazken eta osteguneko grebetara; LABek soilik deitu ditu irakasleak. Egoera honen aurrean, "batasun sindikala hautsi izana" leporatu diote ELAk eta STEILASek LAB sindikatuari.
Eusko Jaurlaritzak, berriz, negoziazio mahaiaren bilera deituko du asteazkena baino lehen, greba saihesteko asmoz.
