Pil-pilean atalean igandean bukatu zen Euskal Herriko Bertso Txapelketa Nagusia izango du hizpide Edurne Azkaraterekin, ETB1eko Aulki Jokoa programa aurkezten duen oiondarra. Gainean ditugun Gabonen inguruko hausnarketa egin dugu jarraian; 7 menos 20 kolektiboko Zuriñe Estivariz eta Medicus Mundiko Ion Ander Areserekin.
Hamaika Saltsaz zipriztindu eta Kantuz eta kontuz lantegiaren nondik norakoak azaldu dizkigu Gotzon Barandiaran euskal idazle eta kulturgileak. Musika alde batera utzi gabe, Berri Txarrak taldearen hitzek bisitatu gaituzte Arabatik Aleara atalean, eta Ahoz Ahon Irati Iciarren iritzia entzun dugu. Ohi bezala, Euskararen Agendarekin itxi dugu irratsaioa.
Iban Albizuk eta Iñigo Larramendik aurkeztu dute irratsaioa.
ALEAren albisteak Whatsapp edo Telegram bidez jaso nahi dituzu?
WHATSAPP: Bidali ALEA hitza 645 66 86 02 telefono zenbakira.
TELEGRAM: Batu zaitez @ArabakoALEA kanalera.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?