Arabako kontzejuak lurralde mailako tokiko erakundeak dira, nortasun juridiko propioa dute eta bere lurraldearen eremuan jarduteko gaitasun osoa. Arabako biztanleen %10en zerbitzuak kudeatzen dituzte, hala nola mendiak, eraikin pulbikoak, ura, argiteria, etabar.
Kontzejuetako hauteskunde-erroldan dauden hamazortzi urtetik gorako pertsona guztiek bozkatu dezakete, eta hauteskunde-erroldan dagoen edozein pertsona aurkeztu daiteke, betiere bere izenean. Hautagairik badago, aurkeztu diren hautagaien artean bozkatu beharra dago nahitaez. Aldiz, hautagairik ez badago, hauteskunde-erroldan dagoen edozein pertsonari bozkatu ahal zaio.
Kontzeju irekia edo kontzeju itxia izan daiteke. Itxietan administrazio batzarra da gobernu eta administrazio-organoa. Irekietan, berriz, bizilagunen asanblada da gobernu-organoa, eta administrazio-batzarra da administrazio-organoa.
