Saioari hasiera emateko, asteburuan Gasteizek hartuko duen Aske Rock elkartasun jaialdia izan dugu hizpide Pil-Pilean atalean, Ainhoa Villaverderekin. Ondoren, Judimendi auzora egin dugu salto eta inauguratu berri duten horma-irudia ezagutu dugu. Horretarako Irantzu Lekue artista izan dugu gurean.
Gasteizko auzo horretatik, Danimarkara bidaiatu dugu, izan ere, bertan bizi den Irati Uriarte gasteiztarra izan da protagonista Arabarrak Munduan atalean. Era berean, Katalunia izan dugu hizpide, gure atalik zoroenean, Hilabeteron, alegia. Irati Iciarren iritzia entzun ondoren, gure kide Esti Lanaok datozen egunetan Araban izango diren euskarazko hitzorduen errepasoa egin du, Euskararen Agendan.