Gaur zabaldu dute Frankismoaren biktimen bulegoa, frankismoaren errepresioa jasan zuten pertsonen eta beraien ahaideen lekukotasunak biltzeko. Abuztuaren 31era bitartean, Gasteizko Probintzia plazako 5. zenbakian kokatuko da bulegoa. Ondoren, bulego ibiltaria denez, Arabako kuadrilletara mugituko da.
• Lautadako Kuadrilla: irailaren 4a - irailaren 8a
• Añanako Kuadrilla: irailaren 11 - irailaren 15a
• Gorbeialdeko Kuadrilla: irailaren 18a - irailaren 22a
• Arabako Mendialdeko Kuadrilla: irailaren 25a - irailaren 29a
• Aiarako Kuadrilla: urriaren 2a - urriaren 6a
• Arabako Errioxako Kuadrilla: urriaren 9a - urriaren 13a
Foru erakundearen asmoa da lekukotasun horiek lagungarri izatea errepresio frankistari buruzko txosten bat eta Arabako Lurralde Historikoan frankismoaren biktima izan zirenen izendun zerrenda bat egiteko.
