Alberto Zerain mendizale gasteiztarra Annapurnako (8.091 metro) gailurrera heldu da. Goizeko 6:30ean iritsi da, eta horrela, 10. zortzimilakoa igotzea lortu du. Erronka 2x14x8000 proiektuaren barruan kokatuta dago, Juanito Oiarzabalekin batera abian jarri zuena. Oraingo honetan, Jonatan Garcia barakaldarrarekin batera igo da gailurrera. Oiarzabal ez da Himalayara joan, ez baita osatu iaz Dhaulagirira (8.167 m.) egindako espedizioak eragindako osasun arazoez.
