alea.eus

Endesak ez du amore eman nahi

Estitxu U. Lopez de Arkaute 2017-04-26 18:23   Ekonomia  Araba

Garoñako jabeak bildu dira gaur. Iberdrolak berretsi du zentral nuklearra berriz irekitzea ez dela bideragarria, baina Endesak ez du amore eman nahi, eta erabakia atzeratzea nahi du.

Endesak ez du amore eman nahi
Garoñako zentral nuklearra PHOT.OK | Ikusi handiago | Argazki originala

Espainiako Gobernuak Garoñari buruzko txostena egin arte ez du erabakirik hartu nahi Endesak. Hala adierazi dute enpresako arduradunek Iberdrolarekin bildu baino lehen. Borja Prado Endesako lehendakariak esan du Espainiako Gobernuak irekitzeko baimenaren inguruan duen iritzia ezagutu arte itxarongo dutela. Gaineratu du Gobernuak energiaren inguruan dituen aurrera begirako planak ezagutu nahi dituztela behin betiko erabakia hartu baino lehen.

Espainiako Gobernuak sei hileko epea eman zuen Garoña berriro zabaltzeari buruzko alegazioak jasotzeko, eta tartean dauden alde guztiekin hitz egiteko. Printzipioz abuztua baino lehen hartuko du erabakia.

Iberdrolak bere aldetik berretsi du Garoñako zentral nuklearra berriro zabaltzea ez dela ekonomikoki bideragarria, eta ez dutela berriz zabaltzeko eskaera egin nahi. Nuclenor da Garoñako zentral nuklearraren jabea, eta enpresaren kontseiluan Iberdrola eta Endesa enpresako buruek parte hartzen dute.

 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa