Hamazortzi urtez aritu da Madelen Urieta saskibaloiko maila ezberdinetan entrenatzaile lanak egiten, eta 2015-2016 denboraldi arrakastatsua egin du. Lehenik eta behin Araskirekin, taldeak Emakumeen Ligan lehen mailara igotzea lortu zuenean iragan maiatzaren 1ean. Aste batzuk beranduago, Espainiako U20 Selekzioaren talde teknikoan parte hartzeko proposamena jaso zuen, eta taldearekin batera lortu du Urietak Portugalen jokatu den Europako txapelketa irabaztea, eta urrezko domina jaso dute.
Gaztedi Errugbi taldearekin batera aurtengo Gasteizko jaien txupinazoa botako du Araski Saskibaloi Taldeak.
