Mairuelegorreta kobazuloan ospatzen den Euskal Jaiaren inguruko dokumentala prestatzen ari dira egunotan Mikel Ezkerro zuzendaria eta Danilo Albin gidoilaria. Mairuelegorreta, iluntasunetik argitasunera da ekoizpen honen izena eta arduradunek esan duten moduan, ospakizun honen inguruan ikerketa lanik ez zegoenez, aukera paregabea ikusi zuten dokumentala egiteko.
Ekoizpena gauzatzeko aurrekontua osatzeko diru-bilketa kanpaina abiarazi dute. Guztira, 2.500 euro bildu behar dituzte. Xehetasun guztiak dokumentalaren zuzendari Mikel Ezkerrok eman dizkigu AleaFM irratsaioan.
