Hamasei urterekin egin zuen salto Ameriketara Felix Espillak, puntista profesional gisa dirua lortzeko asmoarekin. Hasierako urteak oparoak izan ziren oso, 10.000 lagunek betetzen zituzten frontoiak eta diru asko mugitzen zen, 45 milioi dolarretik gora urtean.
Rhode Island eta Palm Beacheko frontoietan euskaldun ugari ibili ziren garaia hartan, baina egoerak okerrera egin zuen gero. Euren lan baldintzak mantendu nahian sindikatua sortu eta greba antolatu zuten. Urte batzuk borrokan eman ostean Felixek Euskal Herrira bueltatze erabaki zuen.
Asteazkenean Jai Alai Blues dokumentala ikusteko aukera izan genuen Oihaneder Euskararen Etxean, GEU elkartearen eskutik. Eta asteartean, AleaFM irratsaioan elkarrizketatu genuen Felix Espilla, Ameriketan puntista bezala aritutako Berritsuarra.
ALBISTEAK MUGIKORREAN
ALEAren albisteak Whatsapp edo Telegram bidez jaso nahi dituzu?
WHATSAPP: Bidali ALEA hitza 645 66 86 02 telefono zenbakira.
TELEGRAM: Batu zaitez @ArabakoALEA kanalera.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?
Izan zaitez ALEAkide