Gaubea aldean egunotan izan diren ekaitzek kalte nabarmena egin dute Valluerca herrian. Izan ere, tximista batek Jasokundeko elizaren kanpai-horma zatitu du, eta arriskuan jarri du egitura.
2008an egin zen tenpluaren azterketa arkeologikoa, eta horretan deskubritu zituen Leandro Sanchez Zufiaurrek Valluercako Jasokundeko elizaren hainbat sekretu. Sei eraikuntza-fase ezkutatzen zirela atzeman zuen arkeologoak, IX. mendetik XVIII. mendera arteko eraikuntzak hain zuen, eta horien artean aipaturiko harribitxia. "Valluercan benetako harribitxi bat kontserbatu dugu, Penintsulako Goi Erdi Aroko kanpai-horma bakanetako baten hondakin materialak; izan ere, dokumentazioari esker horrelako kanpandorreen existentzia ezagutzen bazen ere, ez zen haien aztarna fisikorik aurkitu".
