Zuzendaritzak Berantevillako 101 langileren kaleratzea —plantillaren %22— iragarri eta Miñaoko ingeniaritza sailean lehenengo despidoak gauzatu ostean, kaleratzeen aurkako mobilizazio ziklo bat ireki dute Aernnovako langileek. Larunbat honetan, ehunka pertsona bildu zituen manifestazioak zeharkatu zituen Gasteizko kaleak.
Frantzia kale osoa bete dugu:
— ELA Gasteiz (@ELAGasteiz_) November 28, 2020
Aernnova Despide,
Gobierno Vasco aplaude!
Ez, ez ez, Kaleratzerik ez! pic.twitter.com/bMHHJcwp3j
Astelehen honetan, erabateko jarraipena lortu duen zortzi orduko lanuztea egin dute Berantevillako lantegian. Ostegunean, abenduaren 3an, zortzi orduko greba egingo dute berriro. Joan den ostegunean, azaroaren 26an, lau orduko beste lanuzte bat antolatu zuen langileen batzordeak, erabateko jarraipenarekin.
▶️Greba egun berria Aernnovan kaleratzeen aurkahttps://t.co/TTyYDs9zku pic.twitter.com/S4aZlAs3WL
— ELA sindikatua (@ELAsindikatua) November 30, 2020
Enpresaren egoera "koiunturala" dela uste dute, eta mobilizazioen bitartez erakundeen inplikazioa lortzea espero dute, enplegua ez suntsitzeko. Zuzendaritzak, ordea, jardueraren %37ko jaitsiera eta 42 milioi eurotik gorako galerak argudiatu ditu.
Enpresa batzordea bilerak egiten ari da zuzendaritzarekin eta erakundeekin; astelehen honetan ere, Eusko Legebiltzarrera joan dira langileen ordezkariak, enpresaren egoera azaltzeko:
Aernnova Aeroestructuras Álava enpresako langileen batzordeak bertako lan-egoeraren berri emango du
— Eusko Legebiltzarra (@PVasco_EuskoL) November 30, 2020
Lan eta Enplegu Batzordearen bileran egerraldia egingo dute https://t.co/krl2Kvim8a pic.twitter.com/Xh2ztwoHKK
