Espainiako estatuan sagardoaren inguruan egiten den topaketarik zaharrena eta garrantzitsuena da Asturiasko Galako Sagardoen Nazioarteko Azoka. Aurten, gainera hamargarren edizioa ospatu da, eta lehiaketara mundu osoko 72 ekoizle aurkeztu dira, 205 sagardo ezberdinekin. Arabako Kuartango sagardotegiak hiru sari eraman ditu lehiaketan: urrezko domina lortu du su-sagardoen kategorian eta bi brontze zaporezko sagardoen kategorian, Callabocas eta Sagartxo izeneko sagardoekin.