Beharrezko neurriak hartuta, goizetik paratuko dituzte erakusmahaiak, besteak beste, Valpuestako ogia, Villambrosako eztia eta Sendadianoko gaztari lekua uzteko. Telefono bat ere jarri dute (945-35 30 40) beharrezko enkarguak egiteko. Konfinamenduagatik, azken asteetan ezin dute azoka ospatu, eta haraneko ekoizleek modua bilatu behar izan dute bezeroei bere produktuak helarazteko; telefono bidez, azokan parte hartzen duten ekoizleen produktuen etxez etxeko banaketa egin dute.
