Ribabellosatik Langraiz Okara joaten den autobus-linearen birmoldaketa atzera bota du Hezkuntza sailak. Asteazkenetik aurrera, taxi batek eramango ditu Estavilloko eta Añastroko ikasleak institutura, eta modu horretan, Ribabellosako autobusa, ohi bezala, 8:15ean aterako da, eta zuzenean joango da Langraiz Okara. Halaber, plangintza berriaren arabera, Melledestik ateratzen den autobus-linea 7:55ean abiatuko da, eta Manzanosko eta Antezanako ikasleak jasoko ditu.
Eusko Jaurlaritzako Hezkuntza sailak Ribabellosako gurasoen eta Añanako Kuadrillaren kexak aintzat hartu ditu ikasturte hasieran ezarri zuen birmoldaketa atzera botatzeko.