Andoni Erkiagak Gatz Haraneko zuzendaritza utziko du, eta bere jatorrizko lanpostura itzuliko da, Hazi fundazioan. 2015. urtean izendatu zuen Arabako Diputazioak Erkiaga Gesaltza Añanako gatzagen arduraduna, Roberto Lopez de Egiluzen ordez. Xabier Agirre ahaldun nagusiaren garaian Ingurumen diputatua izan zen Erkiaga, eta kargu horretatik igaro zen Gatz Harana fundazioa kudeatzera.
Azken lau urteetan gatzaren produkzioaren bikaintasunaren alde lan egiteaz gainera, paisaia bereziaren ezagutza zabaldu eta turismoa sustatzeko ekimenak jarri dituzte abian fundaziotik. Hala, 2017. urtean gatzagen balio kulturala eta naturala saritu zuen NBEko Elikadura eta Nekazaritza Erakundeak.
Argitzeke dago nork hartuko du orain erakundea zuzentzeko ardura.
