Araba osoko milaka lagun hurbildu dira gaur goizean Gaubeako Villanañe herrian dagoen Angostoko santutegiaren inguruetara. Izan ere, duela 28 urte berreskuratu zuten herritarrek tokiko nekazarien eta ganaduzaleen azoka tradizionala, eta ordutik urtero iraileko lehen igandean jende andana biltzen da Añanako produktuak ezagutzeko eta dastatzeko. Gesaltzako Txarangaren musikarekin eta txalapartarekin alaitu dute goiz goibela.