Hogeita bost urteko ibilbidea eta gero, Artziniegako Santxotena museoan Teresa Lafraguak urtero antolatu duen munduko jaiotzen erakusketa bertan behera utzi dute.
Museoko komisarioak azaroan adierazi zuenez, hiru urteko babesletza kontratua izan du Artziniegako Udalarekin, 2021, 2022 eta 2023 urteei dagozkienak, baina udal idazkari kontu-hartzaileak ez ditu ordaindu nahi izan, nahiz eta Arartekoak arrazoia eman eta alkatetzak faktura horiek ordaintzeko agindua eman. Gainera, Encina Castresana EAJren zinegotziaren aldetik jasan zuen "gezur, jazarpen eta eraispen kanpaina" deitoratu zuen Lafraguak.
"Inor ez da profeta bere herrian", esan dio Lafraguak ALEAri. Izan ere, arten, Galiziako Carballo herriko Bergantiños museoan jarri dute hiru milatik gora pieza duen Santxotena Museoko munduko jaiotzen erakusketa.