Kalean da Julen Ibarrola, urtebeteko zigorra bete ondoren

Julen Ibarrola igandean atera zen espetxetik. AIARALDEA.EUS

Errotuladore batekin pintaketa bat egiteagatik "terrorismoa goratzea" leporatu zioten.

Igandean, goizeko zortziak aldera, atera zen Basauriko espetxetik Julen Ibarrola; Amurrioko sarreran  dozenaka senide, lagun eta herritar elkartu ziren Ibarrolari lehen harrera egiteko. 13:00ean, berriz, ekitaldi bat egin zuten herriko kioskoan. Errotuladore batekin pintaketa bat egitea egotzita, urtebeteko zigorra osorik bete behar izan du Julen Ibarrola gazte amurriarrak. "Terrorismoa goratzea" egotzi baitzion Espainiako Auzitegi Nazionalak. 

Julen Ibarrolari ongi etorria egin diote Amurrion. AIARALDEA.EUS

Ibarrolak "Julen Libre" plataformak egindako lana goraipatu du ongi-etorrian, eta Galder Barbado Bonillari elkartasuna eta besarkada beroa helarazi dio. 

Bera espetxeratzeko arrazoi nagusia "mendekua" zela salatu zuen espetxera sartu aurretik Ibarrolak: "Nirea ez da kasualitatea ezta kasu isolatu bat, guzti hau estatu faxista baten katearen katebegi bat soilik da". 

Erlazionatuak

Lagunen babesean sartu da Julen Ibarrola Basauriko kartzelan

Erabiltzailearen aurpegia Aiaraldea

Amurriokoak urtebeteko espetxe zigorra bete beharko du, errotuladorez pintaketa bat egiteagatik.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide