Osteguna, otsailak 9

12:00

[EKINTZA OSAGARRIA] Arabako Natura Zientzien museoa

Arabako Natur Zientzien museoa ezagutzeko bisita gidatua. Museoak erakusketa ugari biltzen ditu, botanika, paleontologia, mineralogia eta zoologia, bai eta bibliografia-ondare garrantzitsua ere. Geu elkarteak antolatuta.

18:30

'Mendian hil, hirian hil' dokumentala

Heriotza eta bizitzari buruz hausnartzeko Kukuso Taldeak antolatutako jardunaldien barruan,  'Mendian Hil, Hirian Hil'  filmarekin zineforuma egingo da. Iñaki Peñak zuzendu eta Arteman Komunikazioak ekoiztutako dokumentala. Iragan abenduan Bilbao Mendi Film Festival-en aurkeztu zen eta euskarazko dokumental onenaren saria eskuratu zuen. Sarrerak aldez aurretik hartu beharko dira

21:00

Olaia Intziarte, Janus Lester

Olaia Inziarte artista nafarra da, 1999an jaioa. Beti egon da musikarekin oso lotuta, eragin zaharrak eta berriak bereganatuz, eta, ezeri ateak itxi gabe, benetan uste du horretan garrantzitsuena entzule ona izaten jakitea dela. Janus Lester da Jokin Pinatxok sortutako proiektu berria. Azken Trena taldearekin eta bakarka lan egin ondoren, azkenean proiektu berri bat sortzea erabaki zuen.