Urri osoan zehar, 17 jarduera izango dira Arabako 10 herritan: bisita gidatuak, natura ibilbideak, hitzaldiak eta zine arkeologikoaren emanaldiak egongo dira, besteak beste. Hizlariez gain, Arabako Arkeologia Institutua, EHU, Vital Fundazioa, Erromanikoaren Lagunen Elkartea eta hainbat museo eta udal aritu dira lankidetzan. Jarduera guztiak doakoak izango dira, baina horietako batzuetan ezinbestekoa da izena ematea. Eta, jakina, espazioen segurtasuna bermatuko da: edukiera mugatua eta maskararen nahitaezko erabilera nahitaez maskaratxoa eraman beharko da.
Araba mailako hiru topaketa egingo dira ostiral honetan, aldi berean: Aramaioko Zabola Elkartean, Gasteizko Amaia Zentroan eta Aguraingo AEKko euskal txokoan. Bertan, Arabako bertso-eskoletako 14 urtetik 18 urtera bitarteko 18 gaztek parte hartuko dute, lagun arteko giroan. Urriaren 10ean finala izango da 12:00etan, sei bertsolarirekin, Kuadrillarteko bertso txapelketako finalarekin bat eginez, egun eta toki berean. Hortaz, Arabako bertso mugimendua elkartuko da Murgian, eta ikasturtea gogor hasiko dute Arabako bertso-eskolek.
Lautadako Berbalagunak urtarrileko egitaraua prestatu du. Lautadako herri desberdinetan antolatutako bost hitzordu desberdin izango dira: magia, txangoak, zinema...
Kuadrillartekoaren finala Murgiako Palatu kirolgunean ospatuko dute larunbat honetan. Finalean Sumendiola Bete Poto (Gasteiz), Izenbakuek (Aramaio) eta Konde Basoko Illek (Aramaio) taldeak izango dira.