Argazkietan oinarritutako euskarazko literatur lehiaketa da. Hiruka komunikazio-taldearen eta Egizu elkartearen proiektua. Testuak antolatzaileek proposatzen dituzte hamar argazkietako batean egongo dira oinarrituta, euskaraz idatzita (euskara batuan edo euskalkietan), edozein testu mota (prosa, olerkia, bertsoa...) eta izenburu laburra edukiko dute. Testuak laburrak izan behar dira, 100 berba gehienez, edo labur-laburrak, 160 karaktere gehienez. Informazio gehiago: www.argihizkiak.eus / argi.hizkiak@gmail.com / 644 277 155 Epeak: 2017ko maiatzaren 2tik 2017ko maiatzaren 31ra
Emanaldi hau bertso saio bat da bai, baina baita musika saio bat eta kantu saio bat ere. Hitz denak bat-batekoak izango dira, lekura egokituak. Musikak aldiz aurretik aukeratuak daude, doinu ohiko eta ez ohikoak munduko musiken aire berezietan eginez, samba, sona, tangoa… Eta bertsoak, musikarekin bat- batean, bi gozamen aldi berean! Oskar Estanga, Aimar Karrika, Jon Martin, Etxahun Lekue.…
Irakurketaren jolas hori dugu helburu Gasteizko Irakurle Klubean, eta, izan ere, Amos Ozek aipatzen duen hori baino ez dugu egiten: liburuak irakurri, liburuez hitz egin. Ez zaizkigu sobera interesatzen literatur lanen azterketa erudituak, irakurleon esperientzia zuzena elkarrekin konpartitzea baizik. Hilean behin biltzen gara, beti ere euskaraz idatzitako edo euskarara itzulitako liburuen inguruan. Hemen duzu, beraz, 2016/2017 ikasturterako proposatzen dizugun irakurketen egitaraua. Gonbidatuta zaude. Egitaraua Antolatzailea: GEU Elkartea
Josu Bergara da maiatzeko Eskilarapeko soinuak formatu txikiko musika kontzertuen zikloko protagonista. Kanta Txikien Indarra (Taupaka elkartea, 2015) da abeslari eatarraren lan berria. Ekainaren amaieran grabatu zuen zuzenean, zortzi musikariz osatutako bandarekin. Azpimarratzekoa da Nerea Alberdi biolinista eta Mikel Nuñez Lauzirika piano-joleak egindako lana. Dani Gonzalezek (baxua), Txema Aranak (bateria) eta Natalia Wangek, Ariadna Villatek eta Claudia Díezek -biolina, biola eta txeloa hurrenez hurren- osatu zuten zuzeneko grabazioaren musikari banda.
Euskal musikaren imajinario kolektiboan murgilduko gaituen ikuskizuna. 'Ez dok Hiru'-ren proposamen teatral berria duzue hau. Publiko helduari zuzendutakoa, umorezkoa, euskaraz. Patxo Telleriak testuak sortzeko eta Mikel Martinezek, eta Telleriak berak, zuzenean antzezteko duten estilo paregabearekin. Prezioa:15 €