'En mitad de tanto fuego' antzezlana ikusteko sarrerak

Martxoaren 6an, astezkena, 'En mitad de tanto fuego' antzezlana estreinatuko da Jesús Ibáñez de Matauco antzokian (Hegoalde Gizarte Etxea), arratsaldeko 19:30tik aurrera. ALEAk, Principal Antzokiaren laguntzarekin hau ikusteko sarrera bikoitza zozkatuko du.

Desioa, gerra, desertzioa, boterea, indarkeria, aberria... Alberto Conejerok publikoarekin partekatzen du poema epiko baten edertasuna, misterioa eta iluntasuna; poemaren bidez gizatasunarekin elkarrizketan ari da eta hainbat garai elkarren artean lotzen ditu. Iraganeko eta oraingo ahotsak nahastu egiten ditu. Aquilesen armakidea den Patroclo pertsonaiaren bidez egiten du hori. Homeroren Iliada lanetik eta beste testu batzuetatik abiatzen den muntaiak literatura greko klasikora hurbiltzen gaitu. [...]

• Parte hartu otsailaren 27a baino lehen.
• Martxoaren 1eko ALEAn argitaratuko dugu irabazlearen izena.