Urtebete baino ez da falta legegintzaldia amaitzeko, eta Enrique Barbadillo Trebiñuko alkateak dimisioa emango du aste honetan, "arrazoi pertsonal eta familiarrak" argudiatuta, "osasun arazoak" direla eta.
Aurreikus daitekeenez, Amaia Cadavid alkateorde eta alderdikideak ordeztuko du karguan. Iazko otsailean hartu zuen egungo ardura, Mikel Lopez de Munain kideak gobernu koalizioaren "zati batekiko desadostasunak" zirela eta emandako dimisioaren ostean; EAJk eta Trebiñuko Konderriko Elkarte Independenteak osatzen dute koalizioa 2019tik, EH Bilduren babesarekin. Epaitegiek atzera bota ostean, euskara plan bat abian jartzea dago udal gobernuaren erronka nagusien artean.
Zinegotzi karguari ere uko egingo dio Barbadillok, eta Ruben Etxeberriak ordeztuko du.