Koronabirusa

Araban ezartzen diren irizpide berdinak eskatu ditu Argantzongo Udalak

Erredakzioa 2020ko urr. 23a, 16:54
Nahasmena eragin du Argantzonen Juntak ezarritako etxeratze-aginduak. PHOT.OK

Gaztela eta Leongo Juntak etxeratze-agindua ezarri du, eta, beraz, asteburu honetatik aurrera, Burgosen ezingo da bide publikoetatik ibili.

Pablo Ortiz de Latierro Argantzongo alkateak azaldu duenez, Gaztela eta Leongo Juntak asteburu honetatik aurrera erkidego osoan ezarri duen etxeratze-aginduak "nahasmen handia eragin du herrian". Egoera argitzeko eta segurtasun juridikoa izateko asmoz, gaur goizean egindako osoko bilkuran, Udalak erabaki du Trebiñuko Udalarekin eta Foru Aldundiarekin harremanetan jartzea eta pandemiaren kudeaketan Araban ezartzen diren irizpide berdinak ezartzeko eskatzea.

Maiatzean, Argantzongo eta Trebiñuko alkateek deseskalatze fasea Araban egitea eskatu zuten, eta Arabako Foru Aldundiak bat egin zuen eskaerarekin. Horren ondorioz, gutun bateratu bat bidali zitzaien Osasun Ministerioari eta Espainiako Gobernuak EAEn eta Gaztela eta Leonen dituen ordezkariei. Azkenik, gertutasunagatik eta auzokideen eguneroko bizitza Araban egiten delako, eskaera onartu zuten.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide