Argantzongo eta Trebiñuko alkateek Cesar Rico Burgosko Diputazioaren presidenteari trebiñarren borondatea defendatzeko eskatuz emandako gutunari erantzun dio Diputazioaren lehendakariorde Lorenzo Rodriguezek. Ciudadanos alderdiko agintariak azpimarratu duenez, Trebiñuko enklabeko udalek "Burgosen jarraituko dute" eta Diputazioak "horren alde lan egingo du".
Rodriguezek gaineratu du Trebiñuko biztanleen "haserrea" ulertzen duela, baina Burgosko Diputazioak "herrialdearen alde" lan egin behar duela eta enklabea "momentuz" Burgosen dagoela. "Enklabeen arazoa Senatuak konpondu beharko du, plan orokor baten barruan; bitartean, guk lanean jarraituko dugu".
