Txotx denboraldi berria ospatzeko Arabako Sagar eta Sagardogileen Elkarteak 2019ko Arabako sagardoaren denboraldi hasiera ekitaldia antolatu du; urtarrilaren 17an, ostegunean, 12:00etan Trebiñu sagardotegian (Askartza) izango da kupelen irekiera.
Aurten Arabako saskibaloiaren omenez, saskibaloiaren munduarekin zerikusia duten pertsona ezberdinak gonbidatu dituzte ekitaldira, eta Iñaki Garaialde Baskoniako jokalari ohia eta kirol esataria izango da kupelak zabalduko dituena.
Bide batez, sagar uztaren emaitzak eta atera den sagardoaren ezaugarriak azalduko dituzte bertan.