San Formerioko inguruak ezagutzeko aukera izango da igandean

Hilabetean behin txangoak antolatzen ditu Fauneandok. FAUNEANDO

San Formerioko baseliza eta artadiak ezagutzeko ibilbidea antolatu du Fauneandok apirilaren 29an.

Trebiñuko Fauneando enpresak txango berri bat antolatu du hurrengo igandean, Konderriko patroiaren egoitza ezagutzeko. Bidean hainbat gozagai izango dituzte parte hartzaileek, arteak, erkametzak, animalien arrastoak eta beste gauza asko. Trebiñuko Udalaren babesarekin urte hasieran jarri zuten martxan Trebiñuko inguru naturalak eta ondarea ezagutzeko ekimena, eta arrakasta handia izan du. Hilabetero antolatzen dute.

Igandeko bisita Muergas herriko aparkalekuan hasiko da, 10:00etan; izena emateko Trebiñuko Konderriko udaletxera deitu behar da (945 360629), edo Fauneandora zuzenean (649098282).

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide