Trebiñu osora salto egin nahi du Musika Eskolak

Argantzungo musika eskola.

Irailera arte zabalik dago aurrematrikulazioa; Berantevillan eta Nuvillan ere taldeak daude.

 

Argantzunetik Trebiñuko Barrendegira salto egin nahi du Txingoka elkartearen Musika Eskolak. Irailera arte zabaldu dute aurrematrikulazioa egiteko epea, eta harremanetan jarri dira Trebiñuko hainbat lagunekin, ikastaroekin dagoen interesa ikusteko. 

Orain dela bost urte antolatu zuten lehenbiziko aldiz Musika Eskola, Argantzunen, 25 bat ikaslerekin. Ordutik, Argantzungo taldeaz gainera, Berantevillan eta Nuvillan dagoen El Roble Verde kanpinean taldeak osatu dituzte. 

Argantzungo ikastolaren inguruan mugitzen diren gurasoek osatzen dute Txingoka elkartea, eta haiek arduratzen dira Musika Eskola eta udalekuak antolatzeaz. Euskara hutsez egiten dira bi jarduerak.

Hiru eta bost urte bitarteko haurrentzat musika hastapena, sei urtetik gorako haurrentzat musika hizkuntza eta musika tresna klaseak eskaintzen ditu Musika Eskolak.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide