Juan Jose Betolaza Urizaharreko alkatea ostiral honetan zendu da, 52 urte zituela, gaixotasun luze baten ondoren.
Atzodanik eta bihar arte, udalak dolu ofiziala deitu du, eta, banderak haga erdian jarriko dituzte herrian.
Bestetik, atzo Urizaharrean ospatzekoa zen Lur Jareetako osoko bilkura bertan behera utzi behar izan dute Batzar Nagusiek. Ohar batean, foru ganberak "tristura eta doluminak" adierazi dituzte Betolazaren heriotza dela eta, eta "maitasuna" helarazi diete alkatearen familiari, lagunei, hurbileko pertsonei eta Urizaharreko Udalbatzari. Modu berean, batzarrek aurreratu dute hurrengo osoko bilkuran minutu bateko isilunea egingo dutela, alkatearen omenez.
AMI hautagaitzaren bitartez hiru legegintzaldi bete ditu Betolazak. Heriotzaren ostean, momentuz Silva Quintas Barron alkateordeak hartuko du aginte makila, eta hark sinatu du dolu ofiziala adierazteko bandoa.