Kanpezuko Mendialdea ikastetxe publikoko guraso elkarteak salatu du, datorren ikasturtera begira, Eusko Jaurlaritzaren Hezkuntza Sailak irakasle gutxiago esleituko dituela zentroan. Hezkuntzak iragarri duen hiru irakasle eta erdiko murrizketa "onartezina" dela salatu dute Arabako Mendialdeko ikastetxeko gurasoek. Zehazki, 17,5 irakasle izatetik 14 izatera igaroko dira.
Maiatzaren 26tik ari dira protestak antolatzen, "gure seme-alaben etorkizuna defendatzeko". Egunero, 9:00etatik aurrera, ikastetxean bertan mobilizatzen ari dira, Hezkuntza Sailak murrizketak bertan behera utzi arte eta "Bildarratzek entzun arte".
@ArabakoALEA @DenonEskola @EHIGE1 @elcorreo_com @Eskola_Publikoa @gasteizhoy @halabedi @labirakaskuntza @MendialdeaRadio @NoticiasdeAlava pic.twitter.com/eaOo1sMMuq
— MENDIALDEA IPI GE-AMPA (@mendialdeaipige) June 2, 2023