Igandean egingo da Kanpezu-Ioar Mendi mendi lasterketaren bosgarren edizioa. Kanpezutik abiatuta, bi ibilbide izango dituzte ia 400 parte hartzaileek. Biderik motzenak 13,5 kilometroko luzera izango du eta 750 metroko desnibela. Biderik gogorrenak berriz 26 kilometro izango ditu eta parte hartzaileek 1.930 metroko desnibela gainditu beharko dute.
Kanpezu-Ioar lasterketa Euskadiko Kopako probetako bat da eta Ioar Kirol Elkartea da antolatzailea. 100 boluntario inguruk hartuko dute ibilbidea prestatu eta beharreko laguntza emateko lana. Abiapuntu eta helmuga Kanpezuko Samuel Picaza plazan izango dira, eta ibilbideko punturik garaiena Ioar tontorrean, 1.416 metroan.