Hitzorduari ez diote huts egin azken egunotan, eta ikatza egiteko txondor bat paratu dute Antoñanan. Ostiral honetan, arratsaldeko zortzietan, su emango diote eguraldiak horretarako bidea ematen badu. Bestela, piztu ala ez, antzezpena egingo dute, eta dantza eta musikarekin batera egingo dute.
Behin piztuta, zortzi edo hamar egunez piztuta utziko dute, pixkanaka ikatz begetala egin dadin. Antolatzaileek iragarri dutenez, ikatzarekin lan egin zituzten lagunak omentzeko modu bat da hau. Gogoratu dute ikazkinek egun osoak eman behar zituztela mendian, hain preziatua zen ikatza lortu arte. Egun horietan "babak gosaltzeko, babak jateko eta babak afaltzeko" besterik ez zituzten.
ELA gaitza dutenak artatzen dituen Adela elkarteari laguntzeko baliatuko dute eguna, bai eta Unai Rodriguez auzokideari ere, duela hiru urte gaixotasun horrek jota dagoelako.