Tomate lehiaketa antolatu dute bigarrenez Santikurutze Kanpezun. 2019an egin zuten lehenena, eta pandemiak eragindako iazko geldiunearen ondotik, herriko Oxido tabernak berreskuratu du aurten inguruko tomate onenak bilatzeko hitzordua.
Guztira, 22 lagin aurkeztu dituzte ekoizleek, eta, lehen aukeraketa baten ondoren, bigarren hautaketan usaina, testura eta zaporearen irizpideak hartu dituzte kontuan.
Azkenean, Jon Mirena Txaskoren tomatea izan da baloraziorik onena jaso duena. Bildutako dirua Antoñanako Unai Rodriguezi laguntzeko bideratu dute, ELAren gaixotasunaren ikerketarako.