Bideo baten bitartez, Ernai gazte antolakundeak Kanpezuko Guardia Zibilaren kuartelean egindako ekintza aldarrikatu du astelehen gauean, urriaren 12ko Hispanitatearen Eguna salatzeko protesten harira.
Ikus-entzunezko dokumentuan ikusi daitekeenez, kaputxadun gazte talde bat kasernara hurbildu zen, gauez, eta Ez zaituztegu onartzen leloa idatzi zuten harresian. Horrekin batera, su-itzalgailu batekin margo gorriz bete zuten kuartelaren atea, eta, azkenik, Espainiako bandera lapurtu zuten: "Ez zaituztegu onartzen! Indar okupatzaileak kanpora, espainiar kolonialismoa kanpora, monarkia frankista kanpora. Atera zuen esku zikinak Euskal Herritik!", adierazi du Ernaik ekintza aldarrikatzeko plazaratutako txioan.
Espainiako Gobernuak EAEn duen ordezkari Denis Itxasok gertatutakoa salatu du Twitter bidez: "Gaur, urriaren 12an, besarkada handi bat bidali nahi diet Guardia Zibilaren Euskadiko agenteei, batez ere Kanpezuko eta Zarauzko postuetan daudenei, intolerantzia eta sektarismo ekintzak jasan baitituzte".
???? EZ ZAITUZTEGU ONARTZEN!
— Ernai Gasteiz (@ErnaiGasteiz) October 12, 2020
❌Indar okupatzaileak kanpora
❌Espainiar kolonialismoa kanpora
❌Monarkia frankista kanpora
"Saquen sus sucias manos de Euskal Herria" pic.twitter.com/Zc84fQaymo