Arabako Mendialdean eskolako jantoki eredua erabaki nahi dute familiek, eta horretan buru-belarri dabiltza borrokan azken urteetan. Ikasturte berriarekin batera aldarrikapenari eutsiko diote, eta modu horretan, irailaren 10ean familiek prestatuko dute eskolan zerbitzatuko duten bazkaria, "bertako produktuen eta herrietako dendetan erositakoekin".
Gurasoen Elkarteak deia zabaldu du laguntza eskatzeko, bai otordua prestatzeko baita zerbitzatzeko ere.