Eusko Jaurlaritzak urtero antolatzen dituen gazte auzolandegien inguruan, Korresko asfalto fabrika lehengoratzeko proiektua aukeratu dute, bigarren urtez. Hala, hainbat gaztek aukera izango dute Korresko asfalto fabrika berreskuratzeko lanetan parte hartzeko. XIX. mendeko industria-ondarea babestea du helburu proiektuak, eta arkeologo batek zuzenduko ditu lanak.
Bi txanda egingo dituzte uda partean, eta apirilaren 19an zabalduko dute auzolandegian izena emateko epea.
1858. urtetik 1913ra bitartean egon zen martxan asfalto fabrika. Espainiako estatuko asfalto-ustiategi handiena izan zen, meategi-eraikinez eta ogiaren eta asfaltozko harlauzen lantegiez osatuta.