Zizur Nagusiko (Nafarroa) 47 urteko gizonezko bat hil da igande arratsaldean, Agurainen tren batek harrapatuta, Segurtasun Sailak jakinarazi duenez.
Ertzaintza ezbeharraren inguruko xehetasunak oraindik ikertzen dabilen arren, esku artean duten hipotesia da biktimak trenbidea gurutzatu duela tren geltokian bertan, horretarako aukera ematen ez duen toki batetik; tren geltoki horretan geldialdia ez zuen konboi batek harrapatu du zizuztarra.
Gertakariaren ondorioz, Renfek aldi batez trenbideen zirkulazioa eten du inguru horretan, eta, ohi bezala, inplikatutako trena ere bertan geldiarazi dute ertzainek, gertakaria ikertu aldera.