Ertzaintzak 16 urteko adingabe bat atxilotu du astelehen gauean Agurainen, jihadismoaren bueltan Espainiako Polizia Nazionalarekin egindako operazio baten barruan. Momentuz Segurtasun Saila bi esaldiko prentsa ohar bat kaleratzera mugatu da, bertan aipatuz "ustez jihadismora erradikalizatuta" dagoen gaztea dela.
Vocento taldeari polizia iturri anonimoek helarazi dioten informazioaren arabera, atxilotu dutenean gaztea ikastetxe bateen inguruan zegoen, eta bertan arma zuriak eta simulatutako pistola bat zeramatzan. Atzo gauean gaztea bizi den etxea miatu dute poliziek, eta ikerketa sekretupean dago, Auzitegi Nazionalean.