.jpg)
Arabako Lautadako Kuadrilla onartu berri ditu 2026rako aurrekontuak, guztira 4.408.155 eurokoa. Partida nagusia hondakinen bilketa eta tratamendua berritzeko bideratuko da: 1,6 milioi euro –aurrekontuaren %40 inguru–.
Hondakin organikorako bosgarren edukiontzian oinarritutako sistema berria ezarriko da eskualdean. Datorren urtean, bai edukiontzi organikoek zein errefusak (marroia eta grisa) sarbidea kontrolatzeko sistema bat izango dute, jasotzen den hondakin organikoa kalitate handiagokoa dela bermatzeko.
Jasoko den hondakin organiko guztia Asparreneko konpost plantara eramango da. Aldundiak, kuadrillak eta udalak hitzarmena sinatu ondoren, instalazioak eta makinak prest daude tratamendua hasteko.