Elgea mendilerroan asteburu honetan piztutako sute handia itzalitzat eman dute, hainbat orduz sugarren aurkako borrokan aritu ostean.
EAEko hiru lurraldeetako suhiltzailek parte hartu dute Arriola eta Narbaxa artean larunbat arratsaldean piztutako sua amatatzeko lanetan. Garrak itzalita egon arren, igande gauean adi geratu dira suhiltzaileak, berpiztu ez zedin, eta oraindik bertan da erreten bat, Jaurlaritzaren arabera.
Dakitela, zauritutako lagunik ez dagoen arren, zenbatesteko daude suteak eragindako kalteak, bai eta hartu duen hedadura zehatza ere. Oraindik argitzeke dago ere zerk piztu duen sutea.
Hasierako uneetatik suteak indar handia hartu du, eta horretan lagungarria izan dira azken asteotan egon den idortasuna zein asteburuko zenbait momentutan haizeak hartu duen indar handia. Zenbait hedabidek jaso duten Narbaxako Batzar Administratiboaren iritzian, mendiko landaredia "garbitu ez izanak" sutearen hedapena lagundu duela ere.