Duela hainbat urte euskal historiaren zein kulturaren parte izan diren pertsonekin egin zuen bezala, Iñaki Jauregialtzo Jaltzo eskultore oñatiarrak bertsolarien irudiak eta bertsoak jaso ditu zeramikazko 30 piezatan. Otsailaren 26tik Zabalarte aretoan ikusgai dago Lur bustian bertsolariak erakusketa.
Jaltzoren proiektu berriaren helburuetako bat bertsogintza gizarteratzea da: "Bertsolariak bertatik bertara ezagutu, partekatu, zabaldu eta, bide batez, euskara esparru ludikoarekin lotzea", azaldu du artistak berak. Martxoaren 25era arte izango da Aguraingo erakusketa zentroan; hain zuzen ere, egun horretan izango da Arabako Bertso Kuadrillarteko Txapelketaren finala, Laudion.