Igande honetan, 22:00ak aldera, zarata handia entzun da Lautadako, Sakanako eta Goierriko hainbat herritan. Hasiera batean gas-hodi baten leherketa bat edo lurrikara bat izan zitekeela zabaldu da, eta suhiltzaileak hemendik hara ibili dira, balizko larrialdiaren bila.
Hala ere, goizaldean zehar, Eusko Jaurlaritzako Segurtasun Sailak baieztatu du Espainiako Armadaren ehiza-hegazkin militar bat zela. Hain azkar zeharkatu du zonaldea, soinu-langa gainditu duela, inguruko bizilagunak asaldatu dituen leherketa baten antzeko burrunba eraginez.
Beheko irudietan ikus daiteke objektu batek soinu-langa (340 metro segundoko) hausten duenean sortzen den eztanda sonikoa: