Renfek Irun eta Gasteiz arteko Distantzia Ertaineko tren zerbitzuaren maiztasun guztiak berreskuratuko ditu azaroaren 7tik aurrera, Covid-19ak eragindako pandemiaren aurretik zuen eskaintzara itzuliz. Horrela, astelehenetik aurrera, astean 48 maiztasun eskainiko ditu Donostia eta Gasteiz arteko zerbitzuari dagokionez.
Pandemia garaiko murrizketen ondorioz, Arabako Lautadak eguneko lehen orduko tren zerbitzua galdu zuen, eta horrek eragozpen handia eragin zien Gasteizera goizean goiz mugitu behar ziren eskualdeko herritar askori. Murrizketen aurreko kexak eta protestak Agurainen nagusitu ziren batez ere.
Astelehenetik aurrera, lehen zerbitzua 05:51n abiatuko da Irundik, eta 08:08an iritsiko da Gasteizera. Geralekuak honako hauek izango dira:
- 05:51 Irun
- 06:05 Lezo-Errenteria
- 06:07 Pasaia
- 06:09 Herrera (ADP)
- 06:11 Intxaurrondo
- 06:13 Ategorrieta (APD)
- 06:15 Gros
- 06:17 Donostia
- 06:24 Hernani
- 06:30 Andoain
- 06:34 Villabona-Zizurkil
- 06:39 Tolosa (erdialdea)
- 06:41 Tolosa
- 06:51 Ordizia
- 06:53 Beasain
- 07:00 Ormaiztegi
- 07:09 Zumarraga
- 07:13 Legazpi
- 07:18 Brinkola-Oñati
- 07:35 07.36 Altsasu
- 07:44 Araia
- 07:50 Agurain
- 07:58 Dulantzi
- 08:08 Gasteiz