"Azken urteotan pertsona gutxi batzuen barrua husteko ekintza bihurtu da, benetako helburuari erreparatu gabe". Gogoratu dute aurreko urteetan zenbait pertsonek taldean "manada baten moduan" babestuta zeuden pertsona batzuen oldarkortasuna jasan behar izan zutela. "Eta, jakina, ustezko anonimotasun koldar baten pean, ez dute inolako errespeturik izan, eta irina, irinez kargatutako katxiak, botilak…, neurririk gabe botatzeari ekin izan diote". Oraingoan, udal-bulegoak kaltetu dituzte, langile bat jaietako jardueretako lanean ari zela.
Igandean gertatutakoak "errespetu falta" erakusten duela adierazi du Udalak. "Herritar guztiei eta udaleko langile guztiei errespetu fata izugarria, une hartan lanean ari zenarentzat, zein hurrengo eguneko lehen orduan bere lanpostura itzultzen saiatu zirenentzat, eta zer esanik ez, garbitzaileentzat. Arbuioaz gain, kezka eta tristura eragiten dizkigu".
Era berean, ekintza horiek egin dituztenak udaletxera joateko dei egin diete: "Dei egiten diegu berriro ere bulego hauetara hurbiltzeko, elkarrizketaren bidez haien motibazioak entzuteko prest baikaude".