Igande honetan hil da Susana Diaz de Arkaia Iruraiz-Gaunako alkatea. 48 urterekin zendu da agintari jeltzalea, minbiziak jota. Enpresa Zientzietan diplomatua, abokatu moduan ibilbide luzea zuen, eta azken urteotan Iruraiz-Gaunako alkatea izan da.
"Esan nezake, laburbilduz, nire bizitza pertsonal eta profesionala gehien markatu duena nire gurasoek lurralde honekiko eman didaten maitasuna izan dela: bere balioengatik, tradizioengatik, baliabideengatik eta jendearengatik. Maitasun hori jarri dut Iruraiz-Gaunaren zerbitzura lau urte hauetan, auzokide guztien interesak defendatuz eta beti onena bilatuz", adierazi zuen alkate izendatu berritan.
Besteak beste, Ramiro Gonzalez ahaldun nagusiak eta Gorka Urtaran Gasteizko alkateak gogoratu dute Diaz de Arkaia sare sozialetan.
Iruraiz Gaunako alkatea hil da. Goian bego Susana. Zure elkarbizitza ereduarekin eta herriarenganako maitasunarekin geratzen garahttps://t.co/Bz9aFc7f9l
— Gorka Urtaran Agirre (@gorka__urtaran) July 3, 2022
Ha fallecido Susana Díaz de Arkaia, alcaldesa de Iruraiz Gauna. Volcada con un municipio muy especial, algo más de 500 habitantes repartidos entre 11 pueblos, se nos ha ido una mujer que se esforzaba por hacer la vida más fácil a sus vecin@s. Goian Bego Susana
— Ramiro González (@ramirogonza) July 3, 2022