Lautada Bizirik ACICSA merkatarien elkarteak eskualdeko zerbitzuen sektorea suspertzeko kanpaina berria du prest. Irailaren 8tik 500 Lautada bonu erosi ahal izango dira eskualdeko honako sei establezimendutan: Aldaia hortz-zentro medikoa; Coral-Den hortz-klinika eta El Ventorro, Fortaleza, Aldaia eta Umandi jatetxeetan.
Bonuak 15 euroko balioa du eta 20 euroko erosketa egiteko aukera ematen du; hain justu ere, bonu bakoitzak 5 euroko oparia dakar. Pertsona bakoitzak gehienez lau erosi ahal izango ditu. Urriaren 31ra arte izango dute horiek balioa.
Kanpaina honetan izena eman duten askotariko 64 establezimenduek binilo identifikatzaile bat izango dute. Lautada Bizirik ACICSA elkarteak 2.500 euroko aurrekontua bideratuko du kanpaina honetara.